Kinemaja “Millennium” në Tiranë u kthye në qendrën e vëmendjes mbrëmjen e premierës së shumëpritur të filmit “The Devil Wears Prada 2”, ku u bënë bashkë emra të njohur të ekranit dhe showbiz-it shqiptar.
Në këtë event morën pjesë figura të njohura si Ermal Mamaqi dhe Amarda Toska, Ilda Lumani, DJ FairFax, Drini Zeqo, Niko Komani, Era Rusi, Viola Spiro dhe Ervin Kurti, të cilët tërhoqën vëmendjen me paraqitjet e tyre elegante dhe plot stil.
Atmosfera e mbrëmjes ishte e kuruar në çdo detaj, duke reflektuar frymën e filmit ku moda dhe kinemaja ndërthuren natyrshëm. Tapeti i kuq, prania e personazheve publikë dhe interesi i madh i të ftuarve e kthyen eventin në një nga ngjarjet më të komentuara të momentit në kryeqytet.
Të ftuarit ndanë momente nga premiera në rrjetet sociale, duke e cilësuar si një mbrëmje të veçantë ku arti, stili dhe argëtimi u bashkuan në një eksperiencë të vetme.
Filmi, që vjen si vazhdim i një prej prodhimeve më ikonike të modës në kinematografi, ka ngjallur pritshmëri të mëdha te publiku, ndërsa premiera në Tiranë tregoi edhe një herë interesin e lartë për evente të këtij formati.
Galeria fotografike
