Raúl Rocha Cantú, pronari i konkursit të bukurisë Miss Universe, ndodhet nën hetim për akuza tmerrësisht serioze: trafik droge, armësh dhe karburanti. Sipas deklaratës zyrtare të Fiscalía General de la República (FGR) në Meksikë, ai dyshohet se është kreu i një organizate kriminale ndërkombëtare, që importonte paligjshëm karburant, drogë e armë, me pretekst biznesesh lehtë të ligjshme.
Hetimi ndaj Roçës nisi në fund të vitit 2024. FGR zbuloi shenja të aktivitetit kriminal që përfshinin trafikun e armëve dhe drogës, si dhe kontrabandën e hidrokarbureve, praktikë e njohur në Meksikë si “huachicol”. Mediat raportuan gjithashtu se gjatë bastisjeve janë gjetur dokumente financiare, mes tyre një pagesë prej rreth 2.1 milionë pesos, që lidhen me transaksione të dyshimta me rrjetin kriminal.
E gjithë skena ndodhi menjëherë pas ceremonisë së edicionit 2025 të Miss Universe, e cila vetë ishte e përfshirë në polemika: akuza për favoritizëm, braktisje nga disa gjyqtarë, akuza për parregullsi në përzgjedhje dhe konflikte midis pjesëmarrëseve dhe drejtuesve të konkursit.
-
Çfarë po ndodh me Belen Rodriguez? Videoja që alarmoi fansat
27 Nëntor, 14:03 -
Mes traditës dhe modernes, arti i Malsore Sherifit!
27 Nëntor, 13:38
