Sezoni i katërt i Big Brother VIP Kosova vazhdon të prodhojë diskutime, dhe një nga emrat më të komentuar mbetet ai i Leonora Jakupi. Artistja, e cila këtë vit debutoi si opinioniste në format, është vlerësuar për qëndrimet e saj të drejtpërdrejta dhe analizat pa filtra ndaj banorëve.
Megjithatë, së fundmi vëmendja është zhvendosur nga komentet e saj në një detaj që lidhet me paraqitjen fizike. Një video që po qarkullon në rrjet nga dalja e fundit në ‘prime’ ka nxitur dyshime mes ndjekësve se këngëtarja mund të jetë në pritje të ëmbël. Në pamje, barku i saj duket lehtësisht i rrumbullakosur, gjë që ka shtuar spekulimet për një shtatzëni të mundshme.
Komentet në rrjetet sociale nuk kanë munguar, duke e kthyer menjëherë momentin në temë diskutimi. Megjithatë, nuk ka asnjë konfirmim zyrtar dhe mbetet e paqartë nëse bëhet fjalë për një zhvillim në jetën personale të artistes apo thjesht për efektin e prerjes së fustanit dhe këndit të kamerës.
View this post on Instagram
Deri në një reagim nga vetë Leonora, gjithçka mbetet në kuadër të aludimeve që kanë lindur nga videoja që po qarkullon online.
