Ka momente në jetë që lënë shenjë të thellë në shpirt, dhe humbja e nënes është një prej tyre. Elinara Shehu rrëfen ekskluzivisht për Bordo emocionet e saj më të thella pas largimit të nënës:
“Kjo verë nuk ka qenë vetëm e trishtë, ka qenë vera më dramatike e jetës sime. Të humbasësh nënën nuk është e lehtë, sado i rritur të jesh, dhe dhimbja ngelet aty, duke të shoqëruar gjithë kohë.”
Elinara përshkruan nënën e saj si një nga ato gra të rralla:
“Gjithmonë aty, gjithmonë mbështetëse, një prani e qëndrueshme që nuk prish kurrë zemrën e saj. Një nënë që ishte aty për mua në çdo moment, dhe po shuhet bashkë me brezin e saj. Fjalët e tepërta janë fukarallik në këtë rast,” thotë ajo me emocion.
Kur i kërkuam për këshillat që i la nëna, Elinara ndau fjalët e thjeshta, por të fuqishme që i kanë shoqëruar gjithmonë:
“Mos e prish zemrën, ji vetvetja dhe mos u mërzit. Zoti i pari e ne mbrapa. Kjo ka qenë gjithmonë këshilla e mamit tim.”
Në këtë rrëfim të hapur, Elinara Shehu na lejon të ndjejmë dhimbjen, dashurinë dhe udhërrëfyesin e një marrëdhënieje që nuk harrohet kurrë mes një vajze dhe nënës së saj.
Video e plotë më poshtë:
