Bashkëshortja e Mirit nga Big Brother VIP ka reaguar për herë të parë publikisht lidhur me pjesëmarrjen e tij në spektakël dhe komentet që kanë qarkulluar mbi sjelljen e tij brenda shtëpisë.
Rabea Shahini Wolk, bashkëshortja gjermane e Mirit, ka zgjedhur t’i dalë hapur në mbrojtje partnerit të saj, duke theksuar se në martesën e tyre nuk ka vend për xhelozi. Përmes një mesazhi mbështetës, ajo ka shprehur besimin e plotë ndaj tij dhe vendimeve që ai merr gjatë lojës:
“Në çdo hap që bën, do jem me ty. Ti je më i forti i Big Brother-it. Të dua shumë, bashkëshorti im i jetës. Kam besim të plotë në çdo vendim që merr atje brenda. Xhelozia nuk ka vend në martesën tonë, sepse është e panevojshme. Jam shumë e lumtur me ty!”
Reagimi i saj vjen pas bujës së krijuar në rrjetet sociale për raportin e Mirit me Selin. Afërsia mes tyre ka ngjallur kritika të shumta nga ndjekësit e formatit, të cilët kanë vënë në pikëpyetje natyrën e këtij raporti.
Edhe pse Miri ka deklaruar vazhdimisht se Selinin e sheh si vajzën e tij dhe se mes tyre nuk ka asgjë përtej respektit dhe kujdesit, disa shprehje si “e dua” kanë nxitur dyshime dhe interpretime të ndryshme nga publiku.
Megjithatë, reagimi i bashkëshortes së tij duket se synon të qartësojë situatën dhe të mbyllë çdo hapësirë për keqkuptime, duke treguar se mbështetja dhe besimi mes tyre mbeten të palëkundura.
