Gjumi i pamjaftueshëm nuk ndikon vetëm në energjinë gjatë ditës, por edhe në pamjen e jashtme. Sipas specialistëve të dermatologjisë, mungesa e gjumit për disa net rresht mund të shfaqet menjëherë në fytyrë përmes rrathëve të zinj, fryrjes së syve dhe një lëkure më të zbehtë.
Gjithashtu, gjatë gjumit të thellë trupi rigjeneron qelizat e lëkurës, ndaj mungesa e tij e ngadalëson këtë proces, duke e bërë fytyrën të duket më e lodhur dhe më pak e freskët.
Ekspertët rekomandojnë të paktën 7–8 orë gjumë në natë për të ruajtur një pamje të shëndetshme dhe të qetë.
