Ermonela Jaho ishte kryefjala e mbrëmjes së djeshme në Teatrin Kombëtar të Operas dhe Baletit. Një natë dedikuar sopranos me famë ndërkombëtare, që në axhendat e mbingarkuar vjen në Tiranë për të dhënë sadopak nga magjia e saj. E bën këtë prej disa vitesh në mënyrë të rregullt, duke na dhënë mundësi të ndjekim kaq afër dhe natyrshëm, artisten, për të cilën “The Economist” e cilëson si "sopranoja më e vlerësuar në botë", “Financial Times” shprehej se "Ermonela Jaho i kushton zemër e shpirt këndimit të saj... Mos u përpiqni as t'i rezistoni", ndërsa “The Guardian” e ka përshkruar atë si "një nga interpretueset e mëdha të verizmit", apo "Ermonela Jaho triumfon në Madama Butterfly".
Prej vitit 2009 karriera e saj ka pasur ngjitje spektakolare në skenat më prestigjoze të muzikës klasike në botë, duke e kthyër atë në një ikonë arti botërore.
Ermonela është emocionale, ndjesore, manifeston patriotizëm dhe atdhedashuri të rrallë, virtyte që pak i dëshmojnë. Ermonela është DIVË në botë, por kur vjen në skenën e Teatrit Kombëtar të Operas dhe Baletit është kaq njerëzore dhe e zhveshur nga fama, sa lë mbresë po aq për këtë veçori, sa edhe për interpretimin brilant.
Mbështetja e publikut në sallë ishte po aq e bukur dhe e gjallë, e vërtetë dhe plot sinqeritet, sa shpesh mes arieve emocionet u dalluan edhe tek DIVA. Mbrëmë Ermonela në natën e quajtur “KUR NDJENJAT MARRIN ZË”, interpretoi disa nga rolet e saj brilante tek: “Deh! Tu di un'umile preghiera” nga opera Maria Stuarda, “Ave Maria, piena di grazia” nga opera Otello, “Piangete voi? - Al dolce guidami” nga opera Anna Bolena, “lo son l'umile ancella” nga opera Adriana Lecouvreur, “Quanto cielo, quanto mar - Ancora un paso or via”, “Coro a boça chiusa”, “Un bel di vedremo” nga opera Madama Butterfly, ”O mio babbino caro” nga opera Gianni Schiçhi, “”Vissi d'arte, vissi d'amore” nga opera Tosca, etj, të kompozitorëve; Donizetti, Bellini, Verdi, Puçini, Cilea, Catalani dhe Mascagni nën dirigjimin e Fabrizio Maria Carminati, Orkestrën e TKOB dhe Korin e drejtuar nga dirigjent Dritan Lumshi.
View this post on Instagram
Ermonela Jaho, në vitin 2016 ajo fitoi Çmimin Publikut, në Çmimet Ndërkombëtare të Operas në Londër, ndërsa çmimet dhe vlerësimet e saj përfshijnë kon kurse ndërkombëtare si: konkursi “Giacomo Puçini” në Milano, Itali 1997, Konkursin Ndërkombëtar Spontini në Ankona, Itali 1998, Zandonai në Rovereto, Itali 1999, “Këngëtarja më e mire” në Festivalin Ëexford, 2000. Jaho, ka interpretuar në Teatrin e Operas Metropolitan në Londër, Madrid, Berlini, Opera Kombëtare e Parisit, Teatri i Champs-Elysées, “Staatsoper” Vjenë, “Opera Australie”, Buenos Aires, “Opera Company of Philadelphia”, “Opéra de Marseille”, “Arena di Verona”, etj. Repertori i saj varion nga Violetta “Traviata”, Maria Stuarda - “Madame Butterfly”, Manon - “Mireille”, Amina në “La sonnambula”, Mimi në “La bohème”, Michaela në “Carmen”, Giulietta në “I Capuleti e i Monteçhi, Angelica në “Suor Angelica”, etj.
