Rikthimi i Damier
Kjo unazë evokon dizajnin ikonik Damier të Louis Vuitton, simbol i stilit të rafinuar. E punuar me diamante dhe ar 18 karatësh, ajo është kombinim i artit modern dhe trashëgimisë klasike, një bizhuteri uniseks, e cila mund të jetë dhurata ideale për njeriun tuaj të zemrës – është aq e bukur, sa nuk do ta hiqni kurrë nga gishti.
Kontraste
Këpuca “Amalia” është kthyer në aksesorin 'must' të sezonit nga Saint Laurent, kjo për shkak të kontrasteve të ngjyrave. E vendosur mbi një takë stileto metalike, ajo është realizuar duke gërshetuar lëkurën prej kamoshi si dhe mëndafsh viskoz, ndërsa maja e saj është zbukuruar me një trëndafil katror i punuar me dorë.
Fjongo nga Chanel
Kjo miniçantë që mban firmën e Chanel, është bërë në brendësi nga lëkurë e butë qengji, ndërsa sipërfaqja është veshur me stof të leshtë, duke krijuar formën e një fjongoje elegante, e cila përqafohet nga një zinxhir metalik me nuancë të artë, duke të dhuruar një ndjesi tipike dimërore dhe të qenit sa më pranë natyrës.
Wild Winter
Palltoja “Althea” e stilistes Nour Hammour është zgjedhja perfekte për t'u veshur edhe për një mbrëmje elegante. E punuar me lëkurë lope me qime të lëmuara dhe me shkëlqim, mbi sipërfaqe janë dizajnuar artificialisht pulla leopardi. E bollshme, por falë një rripi ju mund të nxirrni sa më shumë në pah pjesën e belit.
Kthim në vitet ‘20
Ky minifustan i dizajnuar nga JW Anderson u frymëzua nga shkëlqimi i stilit flapper të viteve 1920. Ai është punuar me shifon dhe e gjithë sipërfaqja është e zbukuruar me një shtresë xixash dhe rruazash që bien në sy, ndërsa pjesa fundore u dekorua me thekë, duke krijuar një siluetë tejet sensuale.
Galeria fotografike
