Këtë sezon, pulovra me jakë V është pjesa më e rëndësishme e tendencave të modës. Moderne dhe elegante, ato i shkojnë çdo siluete dhe i përshtaten çdo stili, nga ai i përditshëm deri te ai më i sofistikuar.
E dëbuar prej kohësh nga gardërobat tona, bluza me jakë V rikthehet sa papritur aq edhe e dëshirueshme. Ajo vjen me një pamje të freskët, pa konotacionet paksa "gjyshërore" dhe të uniformave shkollore, duke u shfaqur më elegante, nga pasarelat në rrugë.
Për vite me radhë, jaka e rrumbullakët ka qenë ylli i padiskutueshëm i gardërobës së vjeshtës. E thjeshtë dhe e rehatshme, ajo kishte gjithçka që ju nevojitej për të qenë tërheqëse, por moda kthehet në rrënjët e saj. Stilistët e kanë modernizuar jakën V me prerje të reja dhe të parat që e sugjeruan ishin Miu Miu, Balenciaga dhe Chanel. Ishin versione bluzash të shkurtra dhe të ngushta, me dekolte të thella, me thurje dhe vëllim. Sa i përket ngjyrave, tonet vjeshtore si: jeshile, çokollatë, bordo ose e zeza klasike, gri dhe krem, mbizotërojnë ngado.
Si ta vishni këtë dimër?
Bashkë me jakët V, po rikthehet gjithashtu në mënyrë perfekte, artit të veshjes me shtresa, një tipar dallues i sezonit të ftohtë. Poshtë një pulovre me jakë V, mund të vishni një këmishë të bardhë me jakë të theksuar, një bluzë me vija ose me një jakë të hollë, për të luajtur me kontrastet.
Ky versioni shkon në mënyrë të përkryer me pantallona ose me një fund midi për një pamje të rastësishme dhe elegante. Provoni pantallonat xhins me bel të lartë ose një fund në formë A për një atmosferë elegante. Dekoltetë më të thella kanë një prekje delikate dhe seksi, perfekte mbi një këmishë ose vishini mbi lëkurë.
Jaka V e transformon menjëherë një veshje të thjeshtë, në një pamje të sofistikuar dhe elegante. Zgjidhni një këmishë të bardhë të freskët, një bluzë me vija ose prej mëndafshi dhe dantelle poshtë pulovrës suaj. Për ata që e duan elegancën, një pulovër e madhe me jakë V mbi pantallona të gjera ose një minifund, është një domosdoshmëri.
Galeria fotografike
