Pas zhurmës së krijuar nga incidenti në një dasmë në Shkabaj të Prishtinës, këngëtari i njohur Shpat Kasapi ka reaguar sërish përmes rrjeteve sociale. Në një video të publikuar në InstaStory, ai u shfaq i qetë dhe me humor, duke siguruar ndjekësit se nuk ka arsye për shqetësim.
“Jam mirë si molla. Mos abuzoni me shkrime, o media abuzive,” u shpreh Shpati, duke hedhur poshtë çdo aludim për pasoja serioze nga ngjarja. Ai theksoi se gjendja e tij shëndetësore është e mirë dhe se aktivitetet artistike vazhdojnë normalisht.
Ky është reagimi i tij i dytë publik pas incidentit, ku më herët kishte pranuar se kishte pasur një moment dhune, por e cilësoi atë si rezultat të një keqkuptimi.
