Vetëm disa orë pas përfundimit të ceremonisë së ndarjes së çmimeve Oscar 2026, aktori Michael B. Jordan zgjodhi një mënyrë të thjeshtë për të festuar suksesin e tij.
Në orët e para të mëngjesit të së hënës, më 16 mars, Jordan u shpall fitues i çmimit Oscar për Aktorin më të Mirë gjatë ceremonisë së 98-të të Academy Awards, e mbajtur në Dolby Theatre në Los Angeles, falë interpretimit të tij në filmin “Sinners”.
Pas ceremonisë prestigjioze, aktori u pa në një nga restorantet e njohura të ushqimit të shpejtë In-N-Out në Hollywood. Në një video që po qarkullon në rrjetet sociale, ai shihet duke mbajtur në dorë statujën e artë të Oscar-it, ndërsa shijon një hamburger.
Pamjet janë bërë virale, pasi tregojnë një moment të thjeshtë dhe spontan të aktorit menjëherë pas një prej arritjeve më të mëdha në karrierën e tij.
