Ceremonia e ndarjes së çmimeve Oscars 2026 ka nderuar edhe një herë arritjet më të mëdha të industrisë së filmit në Hollywood. Filmi “One Battle After Another” ishte fituesi i madh i mbrëmjes, duke marrë gjithsej gjashtë çmime, përfshirë edhe çmimin kryesor Filmi më i mirë.
Në kategoritë kryesore të aktrimit triumfuan Jessie Buckley për rolin e saj në filmin Hamnet dhe Michael B. Jordan për performancën në filmin Sinners. Fitorja e Jordan u konsiderua historike për filmin Sinners, i cili mori disa çmime gjatë ceremonisë.
Filmi “One Battle After Another”, me regji të Paul Thomas Anderson, dominoi ceremoninë duke fituar edhe për regjinë më të mirë, skenarin më të mirë të adaptuar, montazhin, aktorin dytësor më të mirë për Sean Penn, si dhe kastin më të mirë.
Ndërkohë, filmi “Sinners” u vlerësua për disa kategori teknike dhe artistike, duke përfshirë skenarin më të mirë origjinal nga Ryan Coogler, muzikën më të mirë origjinale nga Ludwig Göransson dhe kinematografinë më të mirë nga Autumn Durald Arkapaw.
Në kategorinë Filmi më i mirë ndërkombëtar, fitoi filmi “Sentimental Value”, ndërsa çmimi për filmin më të mirë të animuar shkoi për “KPop Demon Hunters”.
Në kategoritë e tjera të rëndësishme, Sean Penn fitoi çmimin për aktorin më të mirë dytësor për rolin e tij në One Battle After Another, ndërsa Amy Madigan u shpall aktorja më e mirë dytësore për filmin Weapons.
Filmi dokumentar “Mr Nobody Against Putin” u shpall dokumentari më i mirë, ndërsa për efektet vizuale më të mira u vlerësua “Avatar: Fire and Ash”.
Ceremonia e këtij viti konfirmoi edhe një herë ndikimin e madh të produksioneve të mëdha dhe regjisorëve të njohur në industrinë e filmit, duke sjellë një garë të fortë mes disa prej projekteve më të përfolura të vitit.
Fituesit kryesorë të Oscars 2026:
· Filmi më i mirë: One Battle After Another
· Regjia më e mirë: Paul Thomas Anderson – One Battle After Another
· Aktorja më e mirë: Jessie Buckley – Hamnet
· Aktori më i mirë: Michael B. Jordan – Sinners
· Aktorja dytësore më e mirë: Amy Madigan – Weapons
· Aktori dytësor më i mirë: Sean Penn – One Battle After Another
