Çdo sezon festash ka ngjyrën e vet të preferuar, dhe zakonisht është diçka e parashikueshme: e zezë (përsëri), e kuqe (sigurisht) ose metalike nëse ndiheni veçanërisht maksimaliste. Por këtë vit, duket se personazhet e famshëm po ndryshojnë paletën e ngjyrave - dhe pas vitesh të tëra duke iu përmbajtur të njëjtave ngjyra festive, ne jemi 100% dakord!
Kylie Jenner dhe Timothée Chalamet mbërritën në premierën e Marty Supreme në Los Angeles të veshur që të dy me pamje të koordinuara në një nuancë të ndezur portokalli. Nuk ishte një portokalli e djegur e përmbajtur ose një pastel i zbehtë, por një nuancë e pasur dhe e ngopur që qëndronte diku midis ngjyres se mandarines dhe qelibarit, shkruan Daily Mail.
Portokallia nuk është zakonisht ngjyra që njerëzit zgjedhin kur afrojnë festat. Por teksa xixat janë maskota jozyrtare e dhjetorit, atëherë Kylie dhe Timothée ofruan në thelb një alternativë shumë të nevojshme: ngjyrën si deklaratë, jo zbukurimtë tepruar.
E përdorur sic duhet, portokallia është një mënyrë e fuqishme për të tërhequr vëmendjen, ndërkohë që përcjell sofistikim. Shmangni materialet dhe prerjet që prekin lëkurën dhe në vend të tyre zgjidhni satenin e derdhur dhe silueta minimaliste që nuk luftojnë për të zënë vendin e parë. Është gjithashtu çuditërisht lajkatuese: ngrohtësia e kesaj ngjyre e largon ftohtesine e dimrit, duke kontrastuar me tonet e akullta që mund të zhdukin tonet e varura nga vitamina D.
