Sipas gazetës Sinjali,i dyshuari si shkaktar i aksidentit qe i kushtoi jeten Eldion Kelmendit, vëllait te artistit dhe fituesit të “Big Brother VIP 4”, Besart Kelmendi, i njohur si Gjesti, është shtetasi Gentonis Nikqi, i cili po hetohet nga autoritetet.
Njësitë policore dhe hetuesit e aksidenteve po punojnë për zbardhjen e plotë të rrethanave që çuan në këtë ngjarje të rëndë.
Në fshatin Bllagajë të Pejës iu dha kete te shtune lamtumira e fundit Eldionit. Ceremonia mortore u mbajt pasditen e sotme, me praninë e familjarëve, miqve të ngushtë dhe shumë fytyrave publike, të cilët u bashkuan për t’i dhënë ngushëllimet e fundit familjes Kelmendi në këtë moment të dhimbshëm.
IndeksOnline publikoi një video nga varrimi, ku shihet këngëtari Gjesti duke u përballur me dhimbjen, të mos mundur të mbante lotët gjatë ceremonisë. Emocioni i tij theksoi humbjen e thellë dhe lidhjen e veçantë mes vëllezërve, duke lënë të kuptohet sa i vështirë është ky moment për familjen dhe miqtë e tyre.
