Jack Blues Bieber, djali 14-muajshi Justin dhe Hailey Bieber, ia “vodhi” skenën familjes këtë Halloween.
Edhe pse vetëm koha do të tregojë nëse Jack do të ndjekë hapat e muzikës si babai i tij, për Halloween-in e 31 tetorit ai ishte i gatshëm të rikrijonte një nga look-et më ikonike të Justin-it.
Duke kthyer orën pas në vitin 2010, Jack veshi uniformën e Justin-it nga My World Tour – një kostum i bardhë me një kapuç të purpurt duke dalë nga poshtë. Hailey e shoqëroi postimin në Instagram me fjalët: “Happy Halloween from JBB.”
View this post on Instagram
Ky nuk ishte hera e parë që Jack nderon epokën e parë muzikore të babait të tij. Më herët gjatë muajit, Hailey ndau një foto të djalit duke veshur një sweatshirt me pamjen e Justin-it nga koha e albumit My World 2.0.
Por surprizat nuk mbaruan me kaq. Hailey përgatiti një kostum të dytë Halloween-i për Jack-un, këtë herë me temë familjare. Djali u shfaq si Jack-Jack nga filmi “The Incredibles”, ndërsa Hailey ishte Mrs. Incredible dhe Justin Mr. Incredible, duke kompletuar kështu portretin e mrekullueshëm familjar.
Gjatë vitit të fundit, Justin dhe Hailey kanë ndarë detaje nga jeta e tyre si familje e vogël. Hailey ka thënë se dëshiron të zgjasë familjen e tyre, duke shprehur se “definitivisht” shpreson të shtojë anëtarë të rinj në kostumet familjare të Halloween-it.
“Është kaq argëtuese, më pëlqen të jem nënë,” tha Hailey në episodin e 24 tetorit të podcast-it In Your Dreams me Owen Thiele. “Gjithmonë e dija që doja të bëhesha nënë. Që kur isha e vogël, gjithmonë e kisha parashikuar këtë. Tani që kam një fëmijë, mendoj se çdo vendim që dikush merr për të pasur ose jo fëmijë është krejtësisht i mrekullueshëm.”
