Supermodelja shqiptare me famë botërore, Emina Çunmulaj, ka habitur ndjekësit me një rrëfim të sinqertë mbi të shkuarën e saj. Në një intervistë, ajo ka zbuluar se para martesës së saj aktuale me biznesmenin miliarder Sam Nazarian, ka qenë e martuar më parë me një shqiptar.
Emina tregoi se kjo marrëdhënie nuk ishte aspak e lehtë dhe se ajo përjetoi momente të vështira. “Më ka pas thyer qafën…” – u shpreh ajo me një ironi të hidhur, duke nënkuptuar se martesa e parë ishte një eksperiencë që i la plagë emocionale.
Edhe pse nuk dha shumë detaje rreth ish-bashkëshortit dhe kohëzgjatjes së martesës, Çunmulaj u shpreh se ajo periudhë i ka shërbyer si mësim dhe e ka bërë më të fortë. Sot, supermodelja jeton në SHBA, e lumtur pranë bashkëshortit të saj aktual dhe tre fëmijëve, duke ndërtuar një familje të shëndetshme dhe të harmonishme.
Ky zbulim ka ndezur rrjetet sociale, ku fansat kanë reaguar me kuriozitet dhe komente të shumta, duke e pyetur Eminën për më shumë hollësi rreth së shkuarës së saj.
