Presidentja e Republikës së Kosovës, Vjosa Osmani, ka pritur të enjten në një takim zyrtar yllin ndërkombëtar të muzikës, Dua Lipa. Me këtë rast, presidentja Osmani i ka dhënë asaj shtetësinë e Kosovës përmes një dekreti presidencial.
Lajmin e ka bërë të ditur vetë Osmani përmes një postimi në profilin e saj në rrjetin social Facebook.
“Nder i veçantë që sot, me dekret presidencial, t’ia jap shtetësinë e Republikës së Kosovës, Dua Lipës, një prej personaliteteve më të rëndësishme kulturore dhe artistike në historinë e vendit tonë. Ajo ka qenë dhe vazhdon të jetë një nga zërat më të fuqishëm në skenat më të mëdha të botës, duke bërë histori me të arriturat e saj dhe duke u shndërruar në inspirim për miliona njerëz anekënd globit"
Teksa ka shprehur edhe mirënjohje të pafund ndaj Lipës:
“Dua ka bërë dhe vazhdon të bëjë për Kosovën, për rininë tonë, për artin tonë dhe për imazhin ndërkombëtar të vendit tonë. Dua, Kosova është gjithmonë krenare me ty!”.
-
Horoskopi ditor, e premte 1 gusht 2025
1 Gusht, 09:24 -
