Moderatorja e njohur Dojna Mema ka zbuluar së fundmi një detaj që ka ngjallur reagime të shumta në rrjetet sociale: ajo nuk ndiqet më nga Kiara Tito në Instagram.
E ftuar në emisionin “Mbrëmë Yje” të Arbana Osmanit, Dojna u shpreh se nuk e kupton arsyen e këtij veprimi dhe se, sipas saj, nuk ka pasur asnjë lloj konflikti mes tyre.
“Kiara më ka hequr nga ‘followers’ dhe nuk e di pse, kot,” – tha ajo me një ton të habitur gjatë intervistës.
Edhe pse moderatorja nuk e komentoi më tej situatën, nga mënyra si foli dukej e befasuar dhe disi e zhgënjyer.
Ky zbulim ka ndezur menjëherë reagime në rrjete sociale, ku ndjekësit e të dyja moderatoreve kanë filluar të spekulojnë mbi arsyet e mundshme të “krisjes” në marrëdhënien e tyre.
Për momentin, as Kiara Tito nuk ka reaguar lidhur me këtë çështje, duke lënë hapësirë për më shumë kureshtje dhe komente nga fansat.
