Bebe Rexha, ylli shqiptar me famë ndërkombëtare, ka bërë të ditur se shumë shpejt do të publikojë një këngë në gjuhën shqipe nga albumi i saj më i ri.
Kënga mban titullin "Çike, Çike" dhe pritet me interes të madh nga publiku shqiptar. Ajo do të publikohet nesër në orën 06:00 të mëngjesit sipas orës shqiptare.
View this post on Instagram
Kjo është hera e parë që artistja sjell një projekt muzikor në shqip, ndërsa pjesa tjetër e albumit të saj të ri, Dirty Blonde, do të jetë në gjuhën angleze. Edhe pse albumi i plotë nuk do të publikohet menjëherë, këngëtarja ka paralajmëruar se do t’i prezantojë këngët gradualisht gjatë muajve në vijim.
Që kur u përhap lajmi për një këngë në shqip, fansat shqiptarë janë shfaqur jashtëzakonisht entuziastë, sidomos duke marrë parasysh suksesin e saj global dhe audiencën e gjerë ndërkombëtare që e ndjek.
Deri tani, artistja ka ndarë vetëm disa fragmente të shkurtra nga kënga, të cilat kanë lënë të kuptohet se projekti do të jetë mjaft premtues.
