Ditët e para të shtatorit janë tejet intensive sa i përket modës në kryeqytetin e Japonisë, Tokio pasi po mbahet Java e Modës për prezantimin e koleksioneve të Pranverë/ Verë 2025 të stilistëve të njohur japonez. Modeli dhe sipërmarrësi shqiptar Elton Ilirjani ka hapur sfilatën në Mua Mua show duke u prezantuar si karakteri kryesor i eventit të modës. Në tre pjesëmarrje radhazi ajo çfarë tërhoqi vëmendjen e të pranishmëve tek Ilirjani ishte pamja maskuline në prezantimin e veshjeve të ndryshme nga filantropisti shqiptar.
Eventi i modës në Japoni quhet Rakuten Fashion Week Tokyo dhe është një festival i modës që mbahet dy herë në vit në një vend të veçantë në Tokio, gjatë të cilit trendet për sezonin e ardhshëm lindin nga koleksionet më të fundit që shpalosen në sfilata dhe ekspozita. Ai organizohet nga Organizata e Javës së Modës në Japoni (JFW).
Axhenda e Elton Ilirjanit më tej do të vijojë të jetë tejet e ngjeshur duke qenë se është i ftuar në dhjetëra vende anembanë botës për të marrë pjesë në Javët e Modës që mbahen në metropolet e famshme për prezantimin e koleksioneve Pranverë/ Verë 2025. Influenceri Elton Ilirjani do të bëjë një trajektore mirëfilli globale nga Japonia, Korea e Jugut, Paris, Milano, Miami. Mandej në Tetor do të jetë i ftuari special në eventin e bukurisë Miss Globe që mbahet në kryeqytetin shqiptar në Tiranë.
Galeria fotografike
