Adelina Ismaili, një nga emrat më ikonikë të muzikës shqiptare, ka ndarë një detaj të pazakontë nga kulmi i karrierës së saj.
Këngëtarja, e njohur për energjinë në skenë dhe suksesin e madh që ka shijuar në vite, ka treguar se gjatë koncerteve shpesh përballej me një reagim të çuditshëm nga fanset femra.
“Gjatë kohës kur isha në kulmin e famës, disa prej fansave femra më pickonin në momentin që më takonin. Kurrë nuk e kuptova pse e bënin këtë”, është shprehur Adelina, duke nënvizuar se ky mbetet një nga episodet më të veçantë që ka përjetuar si artiste.
Ky rrëfim i këngëtares ka ngjallur kureshtje dhe reagime, duke u bërë edhe një shembull i mënyrave të ndryshme, ndonjëherë të pazakonshme, se si publiku zgjedh të shprehë adhurimin ndaj idhujve të tij.
