Këngëtarja dhe ylli i televizionit, Tamar Braxton, ka shqetësuar fansat e saj me një rrëfim të papritur. Në një postim të fundit, ajo zbuloi se ka kaluar një situatë tepër të rrezikshme për jetën, duke thënë hapur:
"Gati sa nuk vdiqa të dielën. U gjenda me një dëmtim në fytyrë, hundë të thyer, disa dhëmbë të humbur dhe me vështirësi në lëvizje"
Përmes një postimi në Instagram Stories më 19 gusht, ajo tregoi se gati humbi jetën dhe u gjet pa ndjenja nga shoqja e saj, në një pellg gjaku. Braxton, e njohur për zërin e fuqishëm dhe energjinë në skenë, nuk dha menjëherë shumë detaje mbi ngjarjen, por rrëfimi i saj ka ndezur reagime të shumta dhe shqetësime nga ndjekësit. Shumë prej tyre i kanë dërguar mesazhe mbështetjeje dhe lutjesh për shëndetin e saj.
Artistja ka kaluar edhe më parë periudha të vështira shëndetësore dhe emocionale, por gjithmonë ka treguar forcë për t’u ngritur sërish. Ky zbulim i fundit lë të kuptohet se ajo ka përballuar një tjetër sfidë të madhe, të cilën fansat shpresojnë që ta kalojë me sukses.
