Pasuria globale është përqendruar më shumë se kurrë në duart e disa individëve që udhëheqin gjigantët e teknologjisë, luksit dhe investimeve. Revista Forbes ka publikuar listën e saj të përvitshme për njerëzit më të pasur në botë për vitin 2025, dhe rezultatet tregojnë se sektori i teknologjisë vazhdon të dominojë ekonominë botërore.
1. Elon Musk – 342 miliardë dollarë (SHBA)
Themeluesi i Tesla, SpaceX dhe X (ish-Twitter) mban sërish vendin e parë në listën e Forbes. Musk vazhdon të zgjerojë perandorinë e tij teknologjike me projekte që variojnë nga makinat elektrike te inteligjenca artificiale dhe eksplorimi hapësinor.
2. Mark Zuckerberg – 216 miliardë dollarë (SHBA)
Shefi ekzekutiv i Meta Platforms (Facebook, Instagram, WhatsApp) ka parë një rritje të jashtëzakonshme të pasurisë falë zhvillimeve të reja në realitetin virtual (VR) dhe inteligjencën artificiale, që kanë rritur ndjeshëm vlerën e kompanisë së tij.
3. Jeff Bezos – 215 miliardë dollarë (SHBA)
Pas një periudhe më të qetë, themeluesi i Amazon është rikthyer fuqishëm në podiumin e më të pasurve. Investimet e tij në hapësirë me Blue Origin dhe në pasuri të paluajtshme kanë ndikuar ndjeshëm në rritjen e pasurisë.
4. Larry Ellison – 192 miliardë dollarë (SHBA)
Bashkëthemeluesi i Oracle mbetet një figurë e fuqishme në industrinë e teknologjisë. Ai ka investuar miliarda në inteligjencë artificiale dhe teknologji cloud, duke e konsoliduar pozicionin e tij si një nga biznesmenët më me ndikim në botë.
5. Bernard Arnault & Familja – 178 miliardë dollarë (Francë)
Kreu i LVMH, perandorisë së luksit që përfshin marka si Louis Vuitton, Dior dhe Hennessy, është europiani më i pasur. Arnault vazhdon të dominojë tregun e luksit me inovacion dhe zgjerim global.
6. Warren Buffett – 154 miliardë dollarë (SHBA)
“Orakulli i Omahas”, themeluesi i Berkshire Hathaway, është një nga investitorët më të suksesshëm në histori. Pavarësisht moshës 90+, Buffett mbetet aktiv në investime dhe një shembull i mençurisë financiare afatgjatë.
7. Larry Page – 144 miliardë dollarë (SHBA)
Një nga bashkëthemeluesit e Google, Page ka përfituar nga rritja e kompanisë mëmë Alphabet, e cila po udhëheq zhvillimet në fushën e inteligjencës artificiale dhe teknologjive të avancuara.
8. Sergey Brin – 138 miliardë dollarë (SHBA)
Kolegu dhe bashkëthemeluesi i Google, Brin, mbetet një figurë kyçe në teknologji dhe inovacion, me investime në inteligjencë artificiale, energji të rinovueshme dhe bioteknologji.
9. Amancio Ortega – 124 miliardë dollarë (Spanjë)
Themeluesi i Zara dhe grupit Inditex, Ortega është përfaqësuesi i sektorit të modës në këtë listë. Modeli i tij i biznesit me prodhim të shpejtë (fast fashion) ka revolucionarizuar industrinë e veshjeve.
10. Steve Ballmer – 118 miliardë dollarë (SHBA)
Ish-CEO i Microsoft dhe pronar i ekipit të basketbollit Los Angeles Clippers, Ballmer vazhdon të rrisë pasurinë e tij përmes investimeve të suksesshme në teknologji dhe sport.
-
5 kombinime si të vishni çizmet e shiut!
3 Nëntor, 12:43 -
