Ikona e kinemasë franceze dhe simbol i glamurit botëror, Brigitte Bardot, ka ndërruar jetë në moshën 91-vjeçare, raportojnë mediat franceze. Lajmi u konfirmua këtë të dielë nga Fondacioni Brigitte Bardot, i cili ajo e themeloi dhe e drejtoi për dekada.
“Me një trishtim të thellë, Fondacioni Brigitte Bardot njofton vdekjen e themelueses dhe presidentes së tij, zonjës Brigitte Bardot, aktore dhe këngëtare e njohur në mbarë botën, e cila zgjodhi të braktiste karrierën e saj prestigjioze për t’ia kushtuar jetën dhe energjinë mbrojtjes së kafshëve dhe fondacionit të saj,” thuhet në deklaratë. Fondacioni nuk bëri të ditur kohën apo vendin e vdekjes.
Bardot u bë një figurë emblematike e kinemasë së viteve ’50 dhe ’60, duke u shndërruar në simbol të dëshirës dhe elegancës. Imazhi i saj u formësua përmes një sërë filmash kult dhe duetesh muzikore, mes tyre filmi legjendar “…And God Created Woman” i vitit 1956.
Gjatë karrierës së saj, ajo luajti në rreth 50 filma, përpara se të tërhiqej nga aktrimi për t’iu përkushtuar plotësisht mbrojtjes së të drejtave të kafshëve, kauzë që e shoqëroi deri në fund të jetës.
Vdekja e Brigitte Bardot shënon fundin e një epoke në kinemanë franceze dhe botërore, por trashëgimia e saj artistike dhe humanitare do të mbetet e gjallë.
