Pak ditë para finales së madhe të “Ferma VIP”, debatet rreth formatit vijojnë të marrin vëmendje. Pas përplasjes së Mimoza Ahmetit me produksionin gjatë Prime-it të fundit, ka ardhur edhe reagimi i fortë i ish-konkurrentit Akil Varfi.
Përmes një postimi në rrjetet sociale, aktori doli në mbështetje të poetes, duke vlerësuar figurën dhe formimin e saj intelektual. Sipas tij, Mimoza Ahmeti është një personazh që nuk mund të manipulohet lehtësisht dhe për këtë arsye arrin të kuptojë më shpejt dinamikat që zhvillohen brenda formatit.
Akili kritikoi ashpër produksionin, duke lënë të kuptohet se nuk është dakord me mënyrën se si po trajtohen disa prej konkurrentëve. Ai u shpreh se pushteti që ka një format televiziv nuk duhet të përdoret për të ndikuar te rrjedha e lojës apo perceptimi i publikut.
Në reagimin e tij, aktori theksoi se e mbështet Mimozën sepse beson se ajo meriton të vlerësohet për kontributin dhe personalitetin që ka sjellë në spektakël. Madje, ai shkoi edhe më tej, duke i bërë thirrje produksionit që ta shpallë poeten fituese të këtij edicioni.
Deklarata e tij ka ngjallur reagime të shumta në rrjet, duke shtuar diskutimet dhe polemikat që po shoqërojnë ditët e fundit të garës, në prag të finales së shumëpritur të “Ferma VIP”.
