Prej rikthimit të tij në sytë e publiku me pjesëmarrjen në "BBV4", G Bani ka qenë gjithmonë në qendër të vëmendjes me veprimet dhe sidomos deklaratat e tij publike.
Teksa ishte i ftuar në emisionin “Më prit të dielën”, ai sqaroi arsyet e tërheqjes së tij nga “Kënga Magjike”, pas aludimeve se vendimi ishte bërë për vëmendje publike.
“Jo, jo, jo. Unë i prisha punë vetes me atë largim. Mërzita njerëz që i kisha bashkëpunëtorë. U nxitova? Ndoshta. Ta kishin menduar më mirë promon, sepse unë dilja shumë pak. Dua të ndjej energjinë e mirë, ta kishin bërë siç duhej.”
Në pjesën më surprizuese, agjenti virtual i inteligjencës artificiale, gjeneroi një skenë imagjinare ku G-Bani ndodhej në ashensor me disa figura të njohura të muzikës hip hop.
Për Noizyn, ai u shpreh me tone të forta:
“Është i pabesë. Do më kishte gjuajtur i pari, edhe unë për t’u mbrojtur. Nuk e di kush do fitonte, ndoshta ai se është më i stërvitur… por është i pabesë.”
Ndërsa për MC Kreshën, G-Bani nuk kurseu kritikat:
“Është artist i mbivlerësuar. Duhet ta kuptojë që nuk është më i miri në estradë.”
Edhe për Getoarin, ai dha një koment të prerë:
“Është djalë i keq, shumë i keq.”
