Është shuar në moshën 68-vjeçare Ilir Shkurti, një nga emrat e njohur të skenës artistike në vend, i cili ka lënë gjurmë të veçanta në teatër dhe humor.
I lindur më 30 dhjetor 1957 në Pogradec, ai i përkiste një brezi aktorësh që kontribuan ndjeshëm në zhvillimin e jetës kulturore lokale, veçanërisht në fushën e estradës.
Publiku e njohu dhe e vlerësoi përmes roleve të tij në Estradën e Pogradecit, ku solli personazhe plot humor dhe karakter, duke fituar simpatinë e spektatorëve ndër vite.
Përtej skenës, Ilir Shkurti ishte pjesë edhe e disa projekteve kinematografike shqiptare. Ai interpretoi në filma si Rrethimi i vogël, Binarët dhe Ngjyrat e moshës, duke kontribuar në periudhën e artë të prodhimeve të Kinostudios.
Largimi i tij lë pas një trashëgimi të çmuar artistike dhe kujtime të paharrueshme për publikun që e ndoqi dhe e duartrokiti ndër vite.
