Një zhvillim i papritur ka tronditur shtëpinë e Big Brother Albania VIP 5 mëngjesin e sotëm, pasi Kristi Lamaj është përjashtuar përfundimisht nga gara. Lajmi u bë i ditur përmes një Zarfi të Zi, i cili mbërriti në shtëpi dhe u lexua para banorëve nga Brikena.
Në njoftimin zyrtar të Vëllait të Madh thuhej:
“Banorë, Vëllai i Madh ju njofton se Kristi Lamaj është përjashtuar përfundimisht nga gara. Televotimi aktual anulohet.”
Përjashtimi i Kristit ndryshon ndjeshëm dinamikat e garës, pasi ai konsiderohej një nga personazhet që kishte krijuar debate dhe situata të forta brenda shtëpisë.
Ende nuk është bërë e ditur nëse do të hapet një televotim i ri apo si do të vijojë struktura e lojës në ditët në vijim.
Mbetet për t’u parë se si do të ndikojë kjo situatë në strategjitë e banorëve dhe në rrjedhën e mëtejshme të Big Brother Albania VIP 5.
