Ish-konkurrenti i "Big Brother VIP Kosova", Klodian Mihaj, ka vendosur të sqarojë njëherë e mirë zërat mbi jetën e tij private. Përmes një deklarate të sinqertë në profilin e tij në Instagram, Klodiani njoftoi se tashmë është single, duke zgjedhur Instagramin për të komunikuar detajet më të fundit nga jeta e tij.
Në postimin e tij, ai nuk la vend për drama apo keqkuptime, duke vënë theksin te respekti që vazhdon të ruajë për ish-partneren:
"Dëshiroj të ndaj me ju se kohët e fundit jeta ime personale ka pësuar një ndryshim dhe aktualisht jam vetëm. Mes nesh ekziston vetëm respekt reciprok dhe mbetem mirënjohës për gjithçka që kemi kaluar," u shpreh ai.
Ajo që i bën fansat të dyshojnë se mund të jetë shkaku i ndarjes është fakti se prej kohësh Klodiani përflitet për një lidhje të mundshme me ish-konkurrenten tjetër të BBVK, Elijonën. Kimia mes tyre nisi që brenda shtëpisë më të famshme në Kosovë, ku Klodiani nuk e fshehu pëlqimin e tij të madh për të.
Edhe jashtë formatit, dyshja është parë shpesh nën shoqërinë e njëri-tjetrit, duke nxitur zërat se mes tyre kishte nisur diçka më shumë se një miqësi.
Për momentin, Klodiani duket se i ka lënë anash çështjet e zemrës. Ai bëri të ditur se prioritetet e tij tani janë:
Rritja personale dhe disiplina në jetën e përditshme, gjithashtu dhe projektet e reja që lidhen me të ardhmen e tij profesionale.
Mbetet për t’u parë nëse do të kemi një reagim nga Elijona apo nëse beqaria e Klodianit do të jetë jetëshkurtër!
