Zayn Malik duket se ka hedhur një kunjë ndaj ish-shokut të tij të grupit në One Direction, Harry Styles, për shkak të çmimeve të larta të biletave të turneut të ri të këtij të fundit.
Gjatë një koncerti në Las Vegas të mërkurën, Malik falënderoi publikun për pjesëmarrjen dhe shtoi me humor: “Shpresoj që çmimet e biletave të mos kenë qenë shumë të larta… thjesht po them”, duke shkaktuar reagime të shumta në rrjetet sociale.
Zayn Malik at one of his recent concerts:
— Pop Base (@PopBase) January 29, 2026
“You could have all been anywhere, but you decided to spend your night with me. Hopefully the ticket prices weren’t too high… just saying”
(https://t.co/Kt5uaaDz53) pic.twitter.com/BeclbuDS4z
Harry Styles pritet të nisë turneun e tij botëror “Together, Together”, me 50 koncerte nga maji deri në dhjetor 2026. Sipas The Hollywood Reporter, biletat për koncertet në Londër variojnë nga rreth 100 dollarë deri në rreth 643 dollarë çmime që kanë ngjallur pakënaqësi të madhe te fansat.
Në platformën X, shumë ndjekës kanë shprehur zemërimin e tyre, duke e quajtur të pajustifikueshme çmimin e tillë për disa bileta koncerti. Disa fansa kanë kritikuar edhe Ticketmaster, duke kërkuar ndryshime urgjente në mënyrën e shitjes së biletave.
Styles po promovon albumin e tij të ri “Kiss All the Time. Disco, Occasionally”, që publikohet më 6 mars. Ai ka konfirmuar gjithashtu se do të dhurojë 1 paund nga çdo biletë e shitur për organizatën LIVE Trust, e cila mbështet ambientet muzikore të pavarura në Mbretërinë e Bashkuar.
Harry Styles dhe Zayn Malik ishin pjesë e grupit të famshëm One Direction, së bashku me Niall Horan, Louis Tomlinson dhe Liam Payne. Grupi u formua në vitin 2010 në “The X Factor”, ndërsa Malik u largua në vitin 2015. One Direction u shpërbë zyrtarisht në vitin 2016.
Marrëdhënia mes Styles dhe Malik ka qenë shpesh subjekt spekulimesh, me deklarata dhe shaka publike nga të dyja palët ndër vite, që vazhdojnë të tërheqin vëmendjen e fansave edhe sot.
