Anila Bisha ka treguar të vërtetën pas imazhit të Diellës, ministres virtuale që nga ekrani ka një ngjashmëri të frikshme me aktoren.
Në një reagim ekskuziv për Zoom.al, Bisha thotë se ngjan me Diellën, pasi është ajo vetë. Aktorja dhe ish-zëdhënësja e Partisë Demokratike thotë se ka rënë dakord me qeverinë për të drejtën e imazhit.“Imazhi i e-Albania jam unë. Edhe zëri. Me dakordësi, imazhi është përdorur për t’u bërë avatar dhe mbaron në dhjetor të vitit 2025,”- shprehet aktorja për Zoom.al.
Nevoja për një konfirmim nga aktorja erdhi pas diskutimeve publike që pasuan një deklaratë të drejtuesit të agjencisë së Inteligjencës Artificiale në Shqipëri. I ftuar te “Aldo Morning Show”, Kaso me hezitim nuk konfirmoi dhe as nuk mohoi nëse imazhi i Anila Bishës ishte përdorur për figurën e Diellës.
