Një rutinë e bukurisë nuk fillon gjithmonë para pasqyrës shpesh fillon që në kuzhinë. Ekspertët e ushqyerjes theksojnë se mëngjesi mund të jetë aleati më i fortë për një lëkurë të shëndetshme dhe me shkëlqim, falë ushqimeve të pasura me vitamina, minerale dhe antioksidantë që ushqejnë trupin nga brenda.
Ushqimet që po pushtojnë mëngjeset e dashamirësve të bukurisë
Më poshtë janë disa prej trendeve më të reja të mëngjesit që po fitojnë popullaritet për efektet e tyre të dukshme në lëkurë:
Tërshërë(e përgatitur një natë më parë) me manaferra të freskëta një “klasik” për lëkurë rinore
Tërshëra e përgatitur që natën është bërë hit jo vetëm për komoditetin, por edhe për efektet e tij të fuqishme. Fibra e lartë ndihmon në detoksifikim, ndërsa manaferrat janë të mbushura me antioksidantë që luftojnë plakjen e parakohshme dhe nxisin prodhimin e kolagjenit.
Puding Chia, fara të vogla, efekt i madh
Të mbushura me omega-3, antioksidantë dhe fibra, farat e chia-s ofrojnë elasticitet dhe hidratim të thellë të lëkurës. Një pudding i thjeshtë me qumësht dhe mjaltë është shndërruar në një nga mëngjeset më të preferuara “beauty-friendly”.
Smoothie me Tahini ose një tas me kos, yndyrna të mira për një lëkurë të ushqyer
Tahini është burim i shkëlqyer i vitaminës E dhe yndyrnave të shëndetshme që forcojnë barrierën natyrale të lëkurës. Shtimi i tij në smoothie ose në yogurt siguron kremozitet dhe mbrojtje kundër dëmeve mjedisore.
Smoothie me Myshk deti, trendi i ri i mineralizimit të lëkurës
Sea moss, i njohur edhe si "mrekullia e detit", është i pasur me jod dhe minerale që përmirësojnë tonin dhe teksturën e lëkurës. Vetëm një lugë xhel në smoothie ndihmon në hidratim dhe zbutje të inflamacionit.
Buckwheat i mbirë, krokant, ushqyes dhe anti-inflamator
I njohur për përmbajtjen e lartë të rutinës, një antioksidant i fuqishëm, ky superushqim ndihmon në reduktimin e stresit oksidativ dhe inflamacionit. I shtuar mbi kos ose smoothie bowls, sjell teksturë dhe energji.
“Tërshëra” me quinoa, proteina për kolagjen dhe ripërtritje qelizore
Quinoa, si një proteinë e plotë, mbështet prodhimin e kolagjenit dhe vitalitetin e lëkurës. Shndërrimi i saj në një mëngjes të ngrohtë është ideale për ata që kërkojnë ushqim të pasur dhe efekte të dukshme në shëndetin e lëkurës.
Lëng kockash, eliksiri i mëngjesit për lëkurë elastike
Lëngu i kockave, i quajtur “multimineral natyral”, ofron aminoacide, minerale dhe kolagjen. Konsumimi i tij në mëngjes ndihmon tretjen, hidraton trupin dhe përmirëson elasticitetin e lëkurës. Ekspertët rekomandojnë që të shoqërohet me një vakt të balancuar për efekte optimale.
