Aktorja e njohur Zendaya ka reaguar së fundmi ndaj spekulimeve për një martesë të mundshme me partnerin e saj, Tom Holland, por deklaratat e saj duket se kanë bërë që zërat të shtohen edhe më shumë.
E ftuar në emisionin “Jimmy Kimmel Live!”, ylli i “Euphoria” iu përgjigj me humor pyetjes mbi lajmet që po qarkullojnë në rrjet. “Seriozisht? Nuk kam parë asgjë nga këto,” tha ajo me ironi, ndërsa moderatori ngriti temën që ka pushtuar mediat sociale.
Zendaya theksoi se një pjesë e madhe e konfuzionit vjen nga imazhe të krijuara me inteligjencë artificiale, të cilat paraqesin një ceremoni martese mes saj dhe Holland. Sipas saj, këto foto kanë mashtruar edhe persona të afërt, të cilët janë çuditur pse nuk ishin të ftuar në një event të tillë.
Për ta marrë situatën me sportivitet, aktorja ndau me shaka një video nga projekti i saj i ri “The Drama”, ku fytyra e Tom Holland ishte montuar mbi trupin e aktorit Robert Pattinson. “Ky është material real,” u shpreh ajo me sarkazëm. “Unë isha aty.”
Spekulimet janë ushqyer edhe më tej nga deklaratat e stilistit të saj, Law Roach, i cili la të kuptohej se çifti mund të jetë martuar, si dhe nga fakti që Zendaya është parë shpesh me një unazë në gishtin e martesës.
Megjithatë, deri më tani nuk ka asnjë konfirmim zyrtar nga Zendaya apo Tom Holland. Dyshja, të cilët janë bashkë prej vitit 2017 dhe janë fejuar në fund të vitit 2024, vijojnë të mbajnë jetën e tyre private larg vëmendjes së publikut.
