21 vjecari maqedonas Martin Sipkovski vdiq në një shpërthim që ndodhi në një apartament në rrugën Kosovska në Beograd, kishte me vete rreth 1.5 kilogramë eksploziv “Pentrite”, i cili shpërtheu apartamentin me qira, raportuan mediat e Beogradit, transmeton Portalb.mk.
Identiteti i tij u përcaktua gjatë autopsisë dhe shkëmbimit të të dhënave midis policisë serbe dhe maqedonase pas analizës së ADN-së. Sipas mediave të Beogradit, jozyrtarisht, ai është një i ri me nje dosje voluminoze kriminale.
Martin Sipkovski ishte i njohur më parë për agjencitë e zbatimit të ligjit në Maqedoninë e Veriut, dhe vitin e kaluar ai u përmend në mediat maqedonase si një i ri që zëvendësoi hendbollin me modelingun, raporton “Blici” serb.
Për të u shkrua si maqedonasi i parë që nënshkroi një kontratë me një agjenci prestigjioze mode në Stamboll dhe student në Fakultetin e Biznesit dhe Menaxhimit në Shkup. Siç raportuan mediat në atë kohë, ai u largua nga hendbolli, ose më saktë nga klubi Vardar, për shkak të një dëmtimi në qafë.
Martin Sipkovski vdiq për shkak të trajtimit joprofesional të lëndës shpërthyese “pentrite”, e cila dyshohet se ishte menduar për likuidimin e anëtarëve të një organizate kriminale nga Beogradi i Ri, ndërsa Filip V. (26) u arrestua me dyshimin se ia kishte dorëzuar lëndën shpërthyese Sipkovskit, të cilit ia dha për ruajtje. Shpërthimi shkatërroi plotësisht apartamentin ku ndodhej Martini, si dhe dy apartamente të tjera.
