Edhe pse kanë kaluar dy vite nga finalja e Big Brother VIP Albania 3, diskutimet për ish-banorët dhe strategjitë e tyre vazhdojnë të tërheqin vëmendjen e publikut. Së fundmi, aktori Jul Deda ka bërë një vlerësim të drejtpërdrejtë për një nga figurat më të komentuara të atij edicioni, Meriton Mjekiqin.
Gjatë një podcasti ku ishte i ftuar së bashku me Bruno Shemshon, Juli foli hapur për dinamikat e lojës në shtëpi. Ai e cilësoi Meritonin si “lojtarin më të fortë kosovar në historinë e Big Brother VIP Albania”, duke treguar respekt për mënyrën se si ai e zhvilloi lojën e tij.
Sipas aktorit, Meritoni kishte një strategji të fortë dhe ishte një nga banorët më konkurrues të atij sezoni. Megjithatë, Juli theksoi se romanca e tij me gazetaren Ilnisa Agolli brenda shtëpisë ndikoi negativisht në lojën e tij.
“Për mua Meritoni është më i miri. Pa diskutim. Por pa Ilnisën. Me Ilnisën u dobësua në lojë. Si lojtar ka qenë shumë i fortë,” u shpreh ai.
Deklarata e Jul Dedës, i cili dikur ishte pjesë e të njëjtit format dhe rivalitet, shihet nga shumë fansa si një vlerësim objektiv për performancën e Meritonit. Për ndjekësit e reality show-t, kjo deklaratë rikthen edhe një herë në fokus ndikimin që ai pati në atë sezon të BBVIP Albania.
