Dua Lipa është rikthyer në Kosovë për edicionin e sivjetëm të “Sunny Hill Festival”, një prej ngjarjeve më të mëdha muzikore në rajon. Ylli me famë botërore është pritur me entuziazëm nga publiku dhe artistët shqiptarë, mes të cilëve edhe reperi i njohur Ledri Vula.
Ledri ka publikuar sot në Instagram një foto me Duan, ku shkruan: “Faleminderit që je shqiptare”, një përshkrim që ka ngjallur menjëherë reagime dhe nostalgji tek fansat, duke kujtuar lidhjen e mëparshme mes tyre.
Ledri dhe Dua janë përfolur si çift në fillimet e karrierës së tyre, rreth viteve 2013–2014, kur ishin parë shpesh bashkë dhe ndanin një kimi të dukshme, por asnjëherë nuk e konfirmuan zyrtarisht romancën.
Pas viteve të ndara, duket se respekti dhe vlerësimi i ndërsjellë mes tyre ka mbetur i paprekur. Momenti i tyre i fundit është përshëndetur me shumë dashuri në rrjete sociale, duke treguar se ndonëse “dikur çift”, sot janë shembull i miqësisë dhe mbështetjes mes artistëve shqiptarë.
