Amela Çaçi është një nga emrat më premtues të brezit të ri në produksionin shqiptar. Me një karrierë që nisi në gazetari dhe më pas u shtri në film, seriale, muzikë e art bashkëkohor, ajo ka treguar se vizioni i saj shkon përtej kufijve të një mediumi të vetëm.
Si drejtoreshë e prodhimeve në Anabel Entertainment, ajo menaxhoi formate që kanë lënë gjurmë në publik, si “Hostel by Anabel”, “Kosherja” dhe seriali “$NOB”, një prej produksioneve më inovative të kohëve tëfundit. Projekti i saj me UN Women, “Dashuria nuk vret”, solli një qasje të fortë sociale mbi dhunën ndaj grave, duke treguar se arti mund të jetë një mjet për ndryshim.
Në kinematografi, Amela është lidhur me projekte si “Në Kuadër të Dashurisë” dhe filmi i shkurtër “Safe Land”, i vlerësuar me disa çmime ndërkombëtare prestigjioze, përfshirë “Best International Short Film” në Gliff 2025. Gjithashtu, ajo ka qenë producente distribucioni për filmin “Luli & Goni Lemes”.
Përveç filmave, ajo ka qenë producente ekzekutive e videoklipeve muzikore të artistëve si Alban Skënderaj dhe Anna Gjebrea. Kontributi i saj shtrihet edhe në artin bashkëkohor me “Tirana International Video Art” dhe reklama të realizuara me Nilor Film.
Sot, Amela punon si producente dhe regjisore. Me çmime dhe vlerësime të shumta, ajo mbetet një nga zërat më frymëzues të narrativës vizuale shqiptare.
Galeria fotografike
