Gazetari Alberti Limani ka bërë publik një incident që sipas tij ka ndodhur në Qendrën e Mediave në Vienë gjatë festimeve për performancën e Shqipërisë në Eurovision.
Përmes një postimi në Facebook, Limani tregoi se teksa ndodhej me kolegë të tjerë duke festuar, një grua nga delegacioni i Serbisë është afruar dhe ka kërkuar që të hiqej flamuri i Kosovës, duke thënë: “Ky flamur nuk lejohet këtu”.
Sipas tij, gruaja tentoi ta prekte flamurin, por ai nuk e lejoi dhe situata u mbyll aty.
Në reagimin e tij, Limani theksoi se flamuri i Kosovës “do të valojë dhe do të lejohet gjithkund”, duke shtuar se ai dhe kolegët e tij do ta mbrojnë atë “me çdo kusht”.
