Kreu Fashion

Elodie Mio dhe revolucioni natyral i suplementëve, historia pas markës “Duna”!

27 Dhjetor 2025, 11:35

Nga Brunilda Gorovelli

E rritur mes aromave të kozmetikës natyrale dhe disiplinës zvicerane të biznesit, themeluesja e “Duna Food & Supplements”, Elodie Mio sjell një qasje të re dhe autentike mbi bukurinë dhe shëndetin. E frymëzuar nga përvoja familjare, studimet në Zvicër dhe sfidat personale gjatë periudhës së pandemisë, ajo krijoi një markë që bashkon cilësinë e lartë evropiane me përkushtimin e sinqertë për mirëqenien e njeriut. “Duna” është sot një ndër markat më premtuese të suplementeve natyralë, që synon të sjellë ekuilibër, qetësi dhe kujdes për çdo moshë.

Si nisi lidhja jote me kozmetikën?

Marrëdhënia ime me këtë botë ka filluar para se të lindja: mamaja ime hapi dyqanet Yves Rocher në Shqipëri ndërsa ishte shtatzënë me mua. U rrita në këtë univers dhe, më vonë, krijova edhe markën time të kozmetikës. Por në fund, ishte kujdesi i brendshëm ai që më ndikoi më shumë. E kuptova shumë shpejt se bukuria e vërtetë fillon nga brenda. Prandaj vendosa të zhvilloj “Duna” në Shqipëri përmes suplementeve ushqimore, formula natyrale të krijuara për të mbështetur shëndetin çdo ditë.

Për çfarë keni studiuar?

Kam studiuar financë, marketing dhe menaxhim në Zvicër. Por, shkolla ime më e madhe ka qenë shtëpia: jam rritur duke parë prindërit e mi kur drejtonin biznesin e tyre në Shqipëri. Aty mësova si funksionon tregu shqiptar, cilat janë nevojat, sfidat dhe mundësitë e tij. Ky kombinim mes studimeve dhe përvojës familjare më inspiroi natyrshëm të ndërtoj biznesin tim.

“Duna food and supplements”, si lindi ideja për të kaluar nga kozmetika në linjën e suplementeve ushqimore?

Ideja e “Duna-s” lindi gjatë periudhës së Covid-it. Unë vetë doja të gjeja suplemente të mira ushqimore, por nuk dija se cilat të zgjidhja: kishte kaq shumë dhe shumë prej tyre nuk më dukeshin të besueshme. Unë doja të kujdesesha për shëndetin tim në mënyrë të drejtë. Duke u informuar, kuptova se trupi ynë merr shumë nga natyra dhe ushqimi, por kjo shpeshherë nuk mjafton. Aty kuptova potencialin e suplementeve natyrale dhe me cilësi të lartë: të formuluara siç duhet, ato mund të mbështetin trupin, të forcojnë imunitetin dhe të përmirësojnë mirëqenien. Kjo bindje është ajo që i dha jetë “Duna-s”: natyra mund të na japë gjithçka, nëse përdoret siç duhet.

Cilat janë nevojat e tregut shqiptar?

Tregu shqiptar është dinamik dhe në rritje, por edhe shumë i mbushur. Ka shumë marka nga e gjithë bota, shpesh me çmime të larta ose me cilësi të dobët. Me “Duna”, unë desha të përgjigjem një nevoje të vërtetë: të ofroj produkte me cilësi të lartë, të prodhuara sipas standardeve zvicerane, por me një çmim të përballueshëm. Kjo është pikërisht ajo që tregu shqiptar ka nevojë sot: të ketë mundësinë të përdorë suplemente të besueshme dhe efektive, pa u shpenzuar tepër.

Çfarë i bën të veçantë produktet tuaja?

Çdo produkt “Duna” është i krijuar me saktësi: përbërës me cilësi të lartë, dozim optimal dhe efektivitet të vërtetë. Të gjithë suplementet tona janë të certifikuara në Zvicër dhe respektojnë standarde shumë të rrepta. Por, “Duna” nuk është vetëm teknikë: është edhe një markë me shpirt, e krijuar me dashuri, pasion dhe sinqeritet, për të sjellë mirëqenie të vërtetë në jetën e përditshme.

A janë të përfshira të gjitha moshat?

Po, absolutisht. “Duna” ofron suplemente për të gjitha moshat, nga foshnjat dhe fëmijët deri te të moshuarit. Çdo fazë e jetës ka nevojat e veta specifike, dhe misioni ynë është të shoqërojmë secilën me formula të dizajnuara për t’iu përshtatur këtyre nevojave unike. “Duna” zhvillon suplemente të përshtatura për çdo fazë të jetës, por edhe të muajit. Fëmijët përfitojnë nga formula të buta dhe të sigurta, ndërsa gratë kanë produkte specifike si Menstru Care, të krijuara për të lehtësuar natyrshëm simptomat premenstruale dhe për të mbështetur mirëqenien e tyre. Qëllimi ynë është të kujdesemi për trupin në mënyrë natyrale, në çdo fazë të jetës, por dhe të muajit.

Nëse i referohemi kozmetikës dhe suplementeve, janë me bazë organike?

Po, plotësisht. Të gjithë produktet tona janë të formuluara me përbërës natyralë, pa aditivë të dëmshëm dhe pa OMG. Ne besojmë thellësisht se natyra ka paracaktuar gjithçka, mjafton ta përdorim me respekt dhe shkencë.

Emri “Duna” është shumë i veçantë, çfarë simbolike ka për ty?

Doja një emër të thjeshtë dhe harmonik, që funksionon mirë si në shqip, ashtu edhe në frëngjisht. “Duna” më kujton kodrat e shkretëtirës, një simbol i natyrës, lëvizjes dhe ekuilibrit. Kodrat ndryshojnë me erën, por mbeten të forta dhe qetësuese. Kjo është pikërisht ajo që dua të transmetoj me markën: një bukuri natyrale, në zhvillim të vazhdueshëm, por gjithmonë autentike.

Si ka ndikuar origjina jote shqiptare në filozofinë e punës dhe estetikën e brand-it?

Origjina ime shqiptare më ka mësuar të punoj me pasion, të jem e qëndrueshme dhe e afërt me njerëzit. Zvicra më ka mësuar të jem precize, e rreptë dhe të kërkoj cilësi të lartë. “Duna” është pika e takimit të këtyre dy botëve: ngrohtësia dhe energjia e Shqipërisë, të kombinuara me rregullin dhe saktësinë zvicerane, për të krijuar suplemente ushqimore që kujdesen për trupin dhe mendjen.

Çfarë sfidash ke hasur si një vajzë e re shqiptare që krijon markën e saj në një treg ndërkombëtar? Po në atë shqiptar?

Të krijosh “Duna-n” si një vajzë e re shqiptare nuk ka qenë e lehtë. Në tregun ndërkombëtar, duhet të gjesh vendin tënd përballë markave të konsoliduara, të bindësh për cilësinë e produkteve dhe të kuptosh tregje shumë të ndryshme. Në Shqipëri, sfidat janë të tjera, por po aq kërkuese: tregu është i mbushur, me shumë konkurrencë dhe marketing agresiv. Duhet të dihet si të dallohet “Duna” përmes cilësisë dhe sinqeritetit, duke treguar se nuk është thjesht një produkt, por një markë në të cilën mund të besosh.

A i prodhoni vetë formulat apo bashkëpunoni me laboratorë të specializuar në Zvicër?

Ne punojmë me laboratorë të ndryshëm në gjithë Evropën, për të gjetur formulimin perfekt për çdo produkt. Çdo përbërës zgjidhet me kujdes për të garantuar pastërtinë, efektivitetin dhe sigurinë. Kjo qasje na lejon të kombinojmë inovacionin, cilësinë zvicerane dhe ekspertizën evropiane, për të krijuar suplemente ushqimore që janë me të vërtetë efektive dhe të përshtatura për nevojat e secilit.

Cilat janë vlerat kryesore që do të doje që çdo klient të ndjente kur përdor një produkt “Duna”?

Transparencë, cilësi, kujdes dhe autenticitet. Dua që çdo person që përdor një produkt “Duna” të ndjejë se ai është krijuar me kujdes dhe respekt, për të dhe për shëndetin e tij.

Cili është produkti më i dashur për ty nga linja “Duna Cosmetics” dhe pse?

Të gjithë produktet janë të preferuarat e mia! Por nëse do të duhej të zgjidhja vetëm një, do të ishte Relaxols. Janë pika me bazë valeriane, që ndihmojnë në uljen e stresit dhe ankthit. Sot jetojmë në një botë ku gjithçka shkon shpejt: puna, përgjegjësitë, presioni i përditshëm… stresi është pjesë e përditshmërisë për shumë njerëz. Të gjesh një qetësim natyral, pa varësi apo efekte anësore, është thelbësor për të rikuperuar ekuilibrin. Relaxols reflekton në mënyrë perfekte filozofinë e “Duna-s”: të kujdesesh për veten në mënyrë të thjeshtë, natyrale dhe të ndërgjegjshme, për të menaxhuar më mirë stresin dhe për t’u ndjerë mirë në trupin dhe mendjen tënde.

Çfarë lloj suplementesh ofron aktualisht “Duna” dhe cilët janë përbërësit kryesorë?

“Duna” ofron suplemente për të gjitha moshat dhe nevojat. Për fëmijët dhe foshnjat, kemi produkte që ndihmojnë në rikuperim pas sëmundjeve ose për problemet e vogla të përditshme, si elektrolitet dhe multivitaminat. Për të rriturit, gama jonë përqendrohet si në bukurinë e jashtme, me produkte si kolagjen dhe biotin, ashtu edhe në mirëqenien e brendshme, me suplementë me probiotikë, produkte anti-stres, për simptomat pre-mestruale, multivitamina me formulim të avancuar, dhe edhe spraje të thjeshta natyrale për fytin. Çdo produkt është krijuar me përbërës natyralë të zgjedhura me kujdes për efektivitet, siguri dhe mirëqenie reale, duke ndihmuar trupin dhe mendjen në çdo fazë të jetës.

Sa e rëndësishme është për ty balanca mes bukurisë së jashtme dhe shëndetit të brendshëm?

Është çelësi i gjithçkaje. Nëse mirëqenia e brendshme nuk është aty, bukuria e jashtme nuk e ndjek. Gjithçka fillon nga brenda: energjia, ushqimi, ekuilibri emocional. Kjo është harmonia që “Duna” synon të ushqejë.

A janë produktet e “Duna Food Supplements” të testuara klinikisht dhe të certifikuara sipas standardeve zvicerane?

Po. Të gjithë suplementet tona janë testuar klinikisht dhe të certifikuara sipas standardeve zvicerane. Cilësia dhe siguria janë prioritetet tona absolute. Çdo seri kontrollohet para se të dalë në treg.

Cili është suplementi që rekomandon më shpesh për mirëqenie të përgjithshme?

Suplementi që rekomandoj më shpesh për mirëqenien e përgjithshme është Vitaboost, multivitamina jonë e plotë. Ajo përmban të gjitha vitaminat thelbësore — D, E, K, C, B1, B2, B3, B5, B6, B9, B12, si dhe minerale kyçe si heuri, zinku, bakri, mangani, seleni, kromi, dhe jodi. Ajo është gjithashtu e pasuruar me ginseng, për një shtysë natyrale energjie. Vitaboost mbështet energjinë, sistemin imunitar dhe ekuilibrin e përditshëm, duke qenë e formuluar me përbërës natyralë të cilësisë së lartë. Është suplementi ideal për të kujdesur për shëndetin tuaj në mënyrë të thjeshtë, të sigurt dhe efektive çdo ditë.

Përse ju keni çmime konkurruese në treg?

Sepse dua që shëndeti natyral të jetë i arritshëm për të gjithë. “Duna” nuk fokusohet te marketingu ose fitimet e tepruara, por te cilësia dhe besnikëria. Kur një produkt funksionon, klienti kthehet, ky është suksesi i vërtetë.

Përse duhet të zgjedhin “Duna”?

Sepse “Duna” është më shumë se një markë. Është një premtim: ai i mirëqenies së sinqertë, natyrale dhe të arritshme. Produkte zvicerane, të menduara me pasion, për të shoqëruar çdo person në kërkimin e ekuilibrit dhe shëndetit.