Fedez ka konfirmuar zyrtarisht lidhjen e tij me stilisten Giulia Honegger. Reperi postoi disa foto në Instagram, ku çifti shfaqet në pushime së bashku. Në një nga imazhet, ata shikojnë kamerën teksa formojnë një zemër me duart e tyre, ndërsa në një tjetër, ai e fotografon Giulia-n e shtrirë me bikini. Në një moment intim, ajo mbështet kokën në shpatullën e Fedez-it, të dy të kapur nga kamera përmes një filtri në formë zemre.
Çifti po e kalon verën bashkë, duke filluar me Marina di Pietrasanta në Versilia, ku u fotografuan nga paparacët teksa shijonin detin dhe mbrëmjet romantike. Më pas, u transferuan në Sardenjë me miqtë e tyre, nga ku erdhën edhe fotot e para të publikuara në rrjete sociale.
Ndërkohë, javën e kaluar u finalizua divorci mes Fedez dhe Chiara Ferragni. Menjëherë pas lajmit, Chiara u pa sërish me Giovanni Tronchetti Provera – fillimisht në aeroportin e Malpensas dhe më pas në një udhëtim në male. Thuhet se ata nuk janë ndarë kurrë, por kanë zgjedhur të qëndrojnë larg vëmendjes publike. Tani, si Chiara ashtu edhe Fedez duket se janë gati të ndajnë hapur jetën e tyre të re.
-
Njihuni me shenjën më fatlume të horoskopit për muajin gusht!
29 Korrik, 13:06 -
