Kylie Jenner nuk duket se ka plane të afërta për t’i thënë “po” martesës me Timothée Chalamet, edhe pse marrëdhënia e tyre po bëhet gjithnjë e më serioze.
Burime pranë çiftit kanë treguar për mediat ndërkombëtare se aktori i njohur ka menduar për një hap të madh në raportin e tyre dhe ka folur për mundësinë e fejesës, por Kylie preferon të mos e shpejtojë këtë vendim.
Sipas raportimeve, biznesmenia dhe ylli i reality show-ve ka rezerva ndaj martesës, pasi mendon se shumë marrëdhënie ndryshojnë pas celebrimit. Për këtë arsye, ajo nuk ndihet ende gati për një angazhim zyrtar.
Thuhet gjithashtu se Timothée ka diskutuar situatën edhe me Kris Jenner dhe Kendall Jenner, duke kërkuar mbështetjen e tyre për ta afruar më shumë Kylie-n me idenë e martesës.
Pavarësisht kësaj, lidhja mes tyre vazhdon të jetë shumë e fortë. Aktori ka krijuar raporte të ngushta me familjen Jenner dhe kalon një pjesë të madhe të kohës në shtëpinë e Kylie-t në Hidden Hills. Ai është bërë pjesë edhe e përditshmërisë së dy fëmijëve të saj, Stormi dhe Aire.
Romanca e tyre nisi të përflitej në vitin 2023, pas një takimi gjatë Javës së Modës në Paris, ndërsa daljen e parë zyrtare si çift e bënë në ceremoninë “David Di Donatello Awards” në Romë, në maj të vitit 2025.
