Hetuesit besojnë se rrëzimi i aeroplanit të Air India mund të jetë shkaktuar nga fakti që avioni punonte me energji emergjence. Një total prej 270 personash, përfshirë 241 pasagjerë në bord, vdiqën kur Boeing Dreamliner u rrëzua në Ahmedabad të Indisë të enjten. Autoritetet kanë nisur një hetim për shkakun e rrëzimit dhe po shqyrtojnë mundësinë që aeroplani të ketë qenë duke punuar me energji emergjence, sipas Reuters.
Sistemi, i njohur si Turbina Ajrore Ram (RAT), gjeneron energji elektrike dhe presion hidraulik për të siguruar që pilotët të mund të kontrollojnë aeroplanin edhe nëse të dy motorët dështojnë. Kjo bën të mendohet se që në fillim, motorët e aeroplanit mund të kenë pasur probleme e të mos kenë funksionuar siç duhet gjatë ngritjes, thuhet në raportin e hetuesve.
Ndërkohë, familjet britanike të viktimave të rrëzimit të Air India po përballen me "dhimbje dhe frustrim" për shkak të vonesave në identifikimin dhe riatdhesimin e të afërmve të tyre.
