Eiza González, 35 vjeç, ndau katër foto të saj duke pozuar me tenistin profesionist bullgar Dimitrov, i cili mbushi 34 vjeç.
“Gëzuar ditëlindjen burrit të ëndrrave të mia”, shkroi González në mbishkrimin e postimit të saj. "@grigordimitrov je një nga të vetmit. Je vërtet njeriu im absolutisht i preferuar dhe nuk mund ta besoj që kam qenë mjaftueshëm me fat që të gjej. Ke rikthyer aq shumë gjëra tek unë sa nuk mendoja se ishin të mundura”.
González dhe Dimitrov ndezën për herë të parë thashethemet për një romancë në prill, pasi u fotografuan duke mbajtur dorë për dore ndërsa ishin bashkë në Madrid. Aktorja e “Fountana e të Rinjve” u pa duke marrë pjesë në njërën nga ndeshjet e Dimitrovit në Madrid Open disa ditë më parë me Eva Longoria-n, ndër të tjera.
"Për burrin më të sjellshëm, dhe më të kujdesshëm. Admiroj çdo pjesë të njeriut që je dhe që po bëhesh", shtoi González në përshkrimin e saj. "Mezi pres të të festoj më shumë. Të dua G. ❤️".
Të shumtë ishin miqtë e famshëm të González dhe Dimitrov, përfshirë Aaron Paul, Alessandra Rosaldo, Henry Golding, Rosamund Pike dhe legjenda e tenisit Serena Ëilliams që komentuan në postimin e tyre.
