Në vitin 2013 George Clooney vendosi t’i shpërblente miqtë e tij për ndihmën që ata i dhanë për ta çuar atë atje ku është sot, për gjithçka që kishin bërë në mënyrë të drejtpërdrejtë. Në atë kohë, ai, si një beqar i përjetshëm, sapo kishte njohur gruan e tij të ardhshme, Amal, dhe nuk kishte fëmijë. Nuk e kishte menduar ende të krijonte një familje. Por, “çfarë kam, janë këta djem që, për 35 vjet, më kanë ndihmuar në një mënyrë ose tjetër,” shpjegoi Clooney së fundmi për GQ.
“Kam fjetur në sofat e tyre kur isha i varfër. Më dhanë para kur isha i varfër. Më ndihmuan kur kisha nevojë për ndihmë gjatë viteve. Dhe unë i kam ndihmuar ata gjatë viteve.”
Filmi i Clooney, “Gravity”, sapo kishte pasur sukses, duke sjellë një fitim të papritur për aktorin.
“Sepse ata nuk donin të na paguanin, na dhanë përqindje nga filmi, sepse mendonin se do të ishte një dështim, dhe përfundimisht kjo ishte një marrëveshje shumë e mirë,” tha ai.
Clooney vendosi t’u kthente ndihmën miqve të tij. Ai bleu 14 valixhe Tumi dhe çdo valixhe e mbushte me nga 1 milion dollarë në cash. U tha miqve të tij të shënonin në kalendar darkën në shtëpinë e tij, dhe kur ata mbërritën, u prezantoi me valixhet, siç tha Rande Gerber, mik dhe partneri i biznesit i Clooney, për MSNBC në vitin 2017.
George Clooney: "Thjesht mbajta një hartë dhe e pashë të gjitha vendet që kam mundur të vizitoj në botë dhe të gjitha gjërat që kam mundur të shoh për shkak të tyre. Dhe thashë, ‘Si mund t’u kthehem njerëzve si ata?’ Dhe thashë, ‘Ah, mirë: Si për një milion dollarë?’” Clooney tregon për GQ.
Ky dhuratë bujare "praktikisht e përmbledh atë që është George," tha Gerber.
"Di që të gjithë kemi kaluar kohë të vështira, disa prej jush ende po kalojnë ato kohë," kujtoi Gerber se çfarë kishte thënë Clooney në atë kohë. “Nuk keni për t'u shqetësuar për fëmijët tuaj; nuk keni për t'u shqetësuar për shkollën; nuk keni për t'u shqetësuar për të paguar hipotekën tuaj.”
Clooney padyshim ka mundësitë financiare për të qenë kaq bujar. Përveç aktorit dhe regjisorit, ai shiti Casamigos, kompaninë e tekilës që e kishte nisur me Gerber dhe një mik tjetër, te kompania multinacionale e pijeve Diageo për një shumë prej deri në 1 miliard dollarë në vitin 2017.
-
-
Horoskopi ditor, e hënë 7 korrik 2025
7 Korrik, 09:04
