Mjetet e inteligjencës artificiale (AI) si ChatGPT po bëhen gjithnjë e më shumë pjesë e jetës së përditshme, jo vetëm për ndihmë në punë apo shkollë. Një grua greke duket se ka besuar pak si tepër tek aftësitë e ChatGPT për të verifikuar aktivitetet e burrit të saj kur ai nuk është me të.
Sipas një botimi grek, nëna e dy fëmijëve, e cila është e martuar me bashkëshortin e saj prej 12 vitesh, i kërkoi chatbot-it të analizonte mbetjet e filxhanit të kafesë së bashkëshortit të saj dhe t'i bënte një 'lexim'. Sado e çuditshme të tingëllojë, leximi i llumit në fund të një filxhani është një metodë tregimi fati e njohur si taseografi ose taseomanci.
Ai përfshin interpretimin e modeleve në gjethet e çajit, llumin e kafesë ose sedimentet e verës për të dalluar të ardhmen, dhe zakonisht bëhet nga ata që pretendojnë se janë fallxhorë - jo ChatGPT.
Por vendimi i kësaj gruaje për të testuar hyjnoren me dixhitalen çoi në një prishje spektakolare të martesës së saj pasi ChatGPT sugjeroi se burri i saj kishte një lidhje. Greek City Times shkruan se gruaja ngarkoi një fotografi të pjesës së poshtme të filxhanit të kafesë së burrit të saj, e cila shkaktoi një përgjigje mjaft të papritur për të dyja palët.
Burri, i cili thuhet se u shfaq në emisionin grek të mëngjesit To Proino për të folur për anën e tij të historisë, tha se nuk ishte hera e parë që gruaja e tij e lejonte veten të udhëhiqej nga e mbinatyrshmes. “Disa vite më parë, ajo vizitoi një astrolog dhe iu desh një vit i tërë për të pranuar se asgjë nuk ishte e vërtetë”, tha ai në emisionin e mëngjesit.
Por leximi që mori nga ChatGPT duket se pati ndikim të madh tek gruaja, identiteti i të cilës nuk është bërë publik. Pasi ajo ngarkoi fotot e saj dhe filxhanëve të kafesë të burrit në chatbotin e AI, ky i fundit i tha se partneri po mendonte të fillonte një lidhje jashtëmartesore me një grua, emri i së cilës fillonte me shkronjën E. ChatGPT dyshohet se shkoi edhe më tej me leximin dhe me sa duket interpretoi llumin e kafesë për të sugjeruar se ai tashmë po e tradhtonte dhe 'gruaja tjetër' kishte plane të prishte martesën e tyre.
Duke folur për “To Proino”, bashkëshorti tha: “Unë e qesha me këtë sepse në fillim e konsiderova marrëzi, por ajo e mori seriozisht. Më kërkoi të largohesha, u tha fëmijëve tanë se po divorcoheshim dhe më pas mora një telefonatë nga një avokat. Atëherë kuptova se ky nuk ishte thjesht një moment kalimtar”, uj shpreh burri, i cili refuzoi të binte dakord me ndarjen “konsensuale”, por vetëm tre ditë më vonë iu dorëzuan zyrtarisht letrat e divorcit.
Burri duket se po i kundërshton përpjekjet për divorc të gruas së tij, e avokati i tij mbrojtës argumenton se pretendimet e bëra nga ChatGPT nuk kanë asnjë bazë ligjore dhe se ai është 'i pafajshëm derisa të provohet e kundërta'.
