Në 13 maj filloi edicioni i 78-të i Festivalit Ndërkombëtar të Filmit në Kanë dhe yjet konkurruan me veshje spektakolare në tapetin e kuq. Një nga paraqitjet më të vlerësuara ishte ajo e aktores Juliette Binoche, presidente e jurisë së Kanës.
Në moshën 61-vjeçare, Binoche, një ikonë e kinemasë franceze dhe fituese e Oskarit, pushtoi audiencën në Croisette me një pamje “perëndeshe”. Shtypi i huaj e quajti atë "Madonna e vërtetë e Kanës".
Me flokët e mbuluar nga një vello e bardhë, shpatullat pak të zhveshura dhe ngjyrën e saj “porcelani”, aktorja dukej si e shkëputur nga një skulpturë, apo si një Madonë e vërtetë mermeri. Juliette mishëroi elegancën dhe sharmin klasik, duke ofruar një moment hiri në natën e hapjes së Festivalit të Filmit në Kanë 2025.
Aktorja franceze u ngjit në shkallët e Palais des Festivals me një veshje Dior, prej mëndafshi të bardhë me nuanca fildishi. Juliette kishte veshur edhe një palë pantallona të bardha jashtëzakonisht elegante dhe një korse unike.
Galeria fotografike
