Modelja franceze Thylane Blondeau është martuar në Paris në një ceremoni civile të zhvilluar të hënën, duke shënuar një tjetër moment të rëndësishëm në jetën e saj personale.
25-vjeçarja, e njohur që në fëmijëri si “vajza më e bukur në botë”, u shfaq e buzëqeshur teksa mbërriti në vendin e ceremonisë në një makinë Porsche 356 Speedster ngjyrë argjendi, e shoqëruar nga bashkëshorti i saj, aktori francez Ben Attal, i cili drejtonte automjetin i veshur me kostum blu të errët.
Çifti shkëmbeu betimet në një ceremoni civile në Paris, i rrethuar nga familjarë dhe miq të ngushtë, ndërsa atmosfera u përshkrua si intime dhe plot emocion.
Dasma vjen vetëm pak muaj pasi Blondeau kishte njoftuar fejesën e saj gjatë një udhëtimi në Greqi, ku kishte ndarë me ndjekësit momentin e veçantë në rrjetet sociale. Ajo kishte publikuar gjithashtu pamje nga përgatitjet e dasmës, përfshirë veshjen elegante të bardhë dhe detaje të stilit të saj të ditës së madhe.
Blondeau nisi karrierën në modeling që në moshën 4-vjeçare dhe ka bashkëpunuar me disa prej shtëpive më të njohura të modës në botë, ndërsa vazhdon të jetë aktive në industrinë e modës edhe sot.
