Një dhimbje ka prekur familjen Dini këtë mëngjes. Këngëtarja e njohur Barbana Dini ka ndarë me ndjekësit e saj lajmin e hidhur për ndarjen nga jeta të babait të saj të dashur.
Përmes një postimi prekës në rrjetet sociale, Barbana ka shprehur dhimbjen e thellë për këtë humbje të pazëvendësueshme, duke e cilësuar të atin si heroin dhe shokun më të mirë të jetës së saj.
“Këtë mëngjes zgjohem zemërthyer, e shkatërruar shpirtërisht… Miq, sot humba një nga njerëzit më të shtrenjtë në jetën time, shokun tim më të mirë… Ahhhh BAB. Sa shumë gjëra mund të them për ty, ti ishe heroi im, mësuesi më i mirë i jetës, një shembull drejtësie dhe mirësie për këdo që të njohu. Fitove çdo betejë në jetën tënde, ti humbe vetëm betejën me dhimbjen… Sa krenare dhe me fat jam që pata gjakun tënd, nuk mund ta shpjegoj me fjalë. Ishe mbi të gjitha një njeri i madh që le një boshllëk shumë të madh tek të gjithë ne. Përqafoje fort Ergin! Të dua përtej jetës!”, shkruan ajo
Kjo është një tjetër humbje e rëndë për familjen Dini, e cila në vitin 2016 përjetoi ndarjen tragjike nga jeta të këngëtarit të ri Ergi Dini, vëllait të Barbanës, pas një aksidenti tragjik me motor.
