Së fundmi, Dolce ka tërhequr vëmendjen e ndjekësve të saj në rrjetet sociale, duke dhënë një përgjigje të prerë lidhur me marrëdhëniet e saj me dy ish-banorët e njohur nga Big Brother Edin dhe Limin më të cilët pati një afrimitet duke shkëmbyer puthje dhe përqafime. Gjatë një bisedë me fansat e saj pyetje-përgjigje, një ndjekës e pyeti nëse vazhdon të ketë kontakt me ta, duke marrë parasysh lidhjet e afërta që ishin krijuar gjatë kohës së bashkëjetesës në program. Përgjigjja e saj ishte e qartë dhe larg çdo sentimenti nostalgjik:
“Të njëjtin gabim nuk e bëj kurrë dy herë.”
Por Dolce nuk ndali aty. Ajo shtoi edhe një thumb ironik për dy meshkujt, duke shkruar:
“Meshkujt që merren me llafe, larg meje.”
Ironia dhe sinqeriteti i saj në rrjetet sociale janë kontrast i qartë me atë që publiku kishte parë gjatë reality show. Gjatë kohës së qëndrimit në program, Dolce ishte shumë afër të dy ish-banorëve, Edin dhe Limin, me të cilët shfaqte afrimitet të dukshëm. Momentet e përqafimeve të ngrohta dhe puthjeve pasionante nuk kaluan pa u komentuar nga fansat, duke e bërë çdo lidhje të dukshme si diçka më shumë se një miqësi e zakonshme.
Ndërsa për shumë ndjekës kjo kontraston dukshëm me qëndrimin aktual të Dolce, ajo duket se ka vendosur të tregojë një fytyrë më të rezervuar dhe të qartë ndaj marrëdhënieve të së shkuarës. Publiku tani mbetet kurioz për të parë nëse ndonjë nga ish-banorët do të reagojë ndaj deklaratës së saj apo nëse Dolce do të ruajë distancën e shprehur kaq prerë në rrjetet sociale.
