Taylor Swift thuhet se ka hequr dorë nga miqësia e saj dhjetëvjeçare me Blake Lively pasi u përfshi pa dëshirë në dramën ligjore të aktores me Justin Baldoni.
“Nëse Taylor do të kishte një dëshirë tani, do të ishte që të mos e kishte takuar kurrë Blake. Edhe pse ka pasur momente të mira gjatë marrëdhënies së tyre, problemet që lidhen me çështjen Baldoni i kanë tejkaluar ato”, pretendoi një burim për “Daily Mail” të enjten.
Kur Swift e rikujton këtë miqësi, ajo “e kupton se nuk ia vlejti gjithë stresi që i solli Blake”.
Këngëtarja e “Lover” thuhet se ndihet e lehtësuar që miqësia ka përfunduar. “Ajo duroi sjelljet e Blake për shumë kohë sepse është një mike besnike. Por drama e ‘It Ends With Us’ e shtyu më në fund të marrë vendimin".
Thuhet se Blake “gjithmonë donte të ishte udhëheqësja e grupit”, dhe artistja detyrohej ta “qetësonte”. I dashuri i Taylor Swift, Travis Kelce – i cili kohët e fundit e ka hequr nga Instagrami bashkëshortin e Lively, Ryan Reynolds – raportohet se po ndjek shembullin e saj.
“Taylor dhe Travis janë të neveritur nga Blake dhe Ryan dhe mënyra se si ata tentuan ta përdorin Taylor në konfliktin e tyre me Justin Baldoni,” tha burimi. Ata thuhet se “po betohen që shkëputja nga çifti i aktorëve është e përhershme.”
